عمرو دياب
عبر الملحن عمرو مصطفى عن سعادته بكليب "القاهرة" لعمرو دياب ومحمد منير، ودافع عن فكرة الكليب وطريقة تصويره خاصةً بعد الانتقادات التي تعرض لها من قبل البعض.
وقال "عمرو" عبر صفحته الشخصية على موقع التواصل الاجتماعي "فيس بوك": "عمرو دياب ومحمد منير قدموا مصر بشكل راقي وبيتحاربوا، أدعم أغنية القاهرة لأن دي مصر الراقية إللى عايز أشوفها، أدعم أغنية القاهرة لأن كفاية عشوائيات في التصوير وكفاية بلطجة وكفاية بيئة، أدعم أغنية القاهره لأن اتنين من أحسن من في جيلهم قدموا نموذج ثقافي محترم".
وتابع: "ادعمهم أنت كمان دلوقتي واطلب منهم عمل آخر في الشارع وقولهم نظفوا الشارع قبل التصوير علشان مصر صورتها قدام العالم تتطلع حلوة، ادعمهم لأنهم ولاد بلدك ومدوا أيديهم لبلدهم مش وقت نفتكر الماضي حصل فيه إيه، أدعمهم لأن قوي الشر زعلت منهم علشان عملوا كده".
وختم حديثه: "أدعمهم علشان يكونوا قدوة للأجيال القادمة الموضوع مش أغنية حلوة أو وحشة الموضوع وطن ومصريين مدوا أيدهم لوطنهم، ادعمهم لأنهم مصريين وطلعوا صورة بلدك بشكل أنا شخصيا فخور بيه".
يذكر أن "القاهرة" هي أول أغنية تجمع بين الفنان محمد منير والفنان عمرو دياب، وهي من كلمات تامر حسين، وإخراج شريف صبري.
ليست هناك تعليقات:
إرسال تعليق