امير طعيمه
هاجم الشاعر أمير طعيمة منتقدي كليب " القاهرة" والذي قدمه عمرو دياب بمشاركة محمد منير .
وكتب أمير طعيمة من خلال صفحته على موقع الفيس بوك :" " أقدر أفهم أني ألاقي تعليق من حد مش عجباه الأغنية، ده عادي والفن أذواق، أقدر أفهم أي نوع من الانتقاد لأن ده طبيعي ولولا اختلاف الأذواق لبارت السلع.
أما إني ألاقي مجموعة عاملة حملة على الأغنية و بتهاجمها لأن الفيديو مطلع القاهرة جميلة ده غير المزايدات اللي اتنفخنا منها زي طبعا ما هو مش حاسس بالناس وشايف القاهرة من الشيراتون ده كلام عيب ومستفز ولا يليق وعايزين نبطل هدم أي شيء لمجرد حب الهدم، بعدين الراجل عامل أغنية بتتكلم عن القاهرة وجمال النيل عايزينه يصور مثلا واحد بيحمي جاموسة في النيل ولا واحد ماشي ع الكورنيش بيلعب في مناخيره مثلا".
وأضاف :" إظهار البلد في الكليبات بشكل جميل ده شيء محتاجينه حاليا لتنشيط السياحة وإظهار جماليات البلد اللي هي فعلا كتيرة ده شيء يفيدنا ويفيد بلدنا".
ليست هناك تعليقات:
إرسال تعليق